蔡卓妍（阿Sa）日前在湖北拍攝《情天大聖》期間發生交通意外受傷一度昏迷，前晚甫返港即到養和醫院檢查，昨日下午在經理人霍汶希、助手和母親陪同下出院。
戴上頸箍的阿Sa看來精神不俗，她說：「我條頸可以郁，但唔可以大動作，有照過X光，冇乜問題，但要觀察多兩星期，我媽咪希望我可以照吓個腦，但醫生話我冇嘔唔需要。我撞傷咗右手踭同左膝，面都有啲腫。我以後唔會減肥，今次有啲肉先冇乜事。」她透露稍後會做物理治療，而霍汶希則指阿Sa這兩天都會休息。
對於有報道指阿Sa發生意外後，緋聞男友謝霆鋒即往探視一事，阿Sa沒好氣地說：「咁我哋一齊㗎嘛，佢架車喺我哋後面，掉轉佢有意外我都會探。」
昨日有人致電報館訛稱英皇公司下午會開派對，記者到場時見到霆鋒，他表示對派對不知情，只是返公司談唱片工作，對於阿Sa已返港，他則說：「乜佢返咗嚟咩？我冇搵佢。」
此外，阿嬌昨單獨出席港台頒獎禮記者會，她談到拍檔時說：「冇事，我同佢通過電話，知佢好快就出院。」
採訪、攝影：李珮洳