原來現任電視廣播副行政主席嘅梁乃鵬，細細個經已出嚟社會做事。話說噚日梁乃鵬獲城大頒榮譽博士學位，回顧前半生，佢出生於富裕之家，但梁家喺四九年移居香港後家道中落，搞到佢十二歲就要喺告羅士打酒店做侍役，冇機會接受正統教育。
不過，梁乃鵬並無放棄，佢藉自修兼讀，同埋與酒店外籍客人接觸嚟磨練英文，之後以二十歲嘅「高齡」入讀中三，再在港大修讀經濟及政治學，取得首個學位後，到英國基福特法律學院進修法律，只係用咗四年就修畢該課程回港。
梁乃鵬話當年佢做侍役時，發夢都冇諗過自己會成為一間律師行嘅資深合夥人，更遑論擔當過城大嘅校董會主席！所以佢覺得機會係要自己爭取嘅，要不斷學習同埋有鬥心。唔知噚日班應屆城大畢業生又袋咗幾多落袋呢？
（圖）梁乃鵬苦學成功，值得年輕人學習。
傳真︰2623-9278
電郵︰