應采兒早前涉藏毒被捕，她有份演出的新片《黑社會》昨日開鏡，所有主角均有出席，惟獨應采兒缺席，該片導演杜琪峯強調不會易角，但勸喻她做人要檢點。
杜琪峯執導的新片《黑社會》昨日在觀塘舉行開鏡拜神儀式，中國星老闆向華強、銀河映像老闆羅守耀，演員古天樂、梁家輝、張家輝、任達華、林家棟、張兆輝和譚炳文等齊齊出席，但涉藏毒案的女主角應采兒則未有現身。
問杜琪峯有否邀請應采兒出席拜神活動？他說：「有叫，唔知佢得唔得閒嚟呢？嚟唔嚟佢自己決定，自己有主意。」
至於應采兒的角色會否臨時有變？杜琪峯表示《黑》片長達四小時，會分兩集推出，應采兒的角色在第二集才會出現，故不會易角，杜琪峯說：「佢做人要檢點，食幾多、着幾多自己顧，我拍戲就拍戲，要決定就決定。」
拜神以佛教儀式進行，眾演員齊齊上香、點燈及放生雀鳥，杜琪峯說：「唔想太戾氣，黑社會都轉型，唔一定係仇殺，我唔係唱好黑社會，黑社會一定唔係好人，但希望做到和諧嘅一面。」
而向華強被問到應采兒缺席一事時說：「今日全男班，唔係因為𠵱家敏感期，件事交咗畀律師處理，應采兒喺屋企，搞清楚件事先會再投入工作，希望佢冇事。」
採訪、攝影：魯萍
