【本報訊】「爹哋，我冇事啦，千祈唔好畀錢啲綁匪啊！」大埔綁票案中自行逃脫的十二歲小肉參，在路上獲一名路過的貨車司機救上車上，第一時間便借用手機致電父親報平安。協助小肉參逃離險境的貨車司機，形容小肉參十分醒目而且鎮定。警方事後將小肉參送院檢驗，證實他健康良好，並無受傷。警方事後拘捕兩名涉嫌綁匪，目前仍在扣查中，經初步調查，警方相信綁匪今次行動純粹是「打盲毛」(隨便在街上擄人)，並無特定目標。 記者：李旭基、周鴻熙、羅日昇
協助小肉參逃離險境的二十一歲貨車司機蘇先生，本身亦是一名斜坡工程建築工人，近日在大埔烏蛟騰一帶地盤工作。事發時，他剛約了一名車主在烏蛟騰村見面，商討購買一輛二手私家車代步。
蘇先生昨日返回烏蛟騰時接受訪問講述經過，他表示，前日傍晚六時許，他駕着公司貨車與一名姓洪友人正前往烏蛟騰村應約，途經村口停車場對開時，突然見到一名男童雙腳被尼龍繩綁着，雙手被膠索帶反綁，而原本圍着嘴部封口的牛皮膠紙則已脫落至頸項，男童在停車場跳出路邊大叫救命。蘇於是立即停車，並用𠝹刀替小童鬆綁，事後從小童口中才知道發生綁票案。
蘇先生表示，後來知道小童姓余，十二歲，除嘴部還有被膠紙封口的痕迹外，表面並無傷痕，男童事後更向蘇借用手機致電給父親報平安。蘇先生說：「個男仔表現好鎮定，打畀佢爸爸時，第一句話就講：『爹哋，我冇事啦，千祈唔好畀錢啲綁匪啊！』重叫我哋兩個唔使驚，話啲綁匪已經走晒啦！」
其後蘇先生接過電話與男童父親通話，蘇先生說：「當時佢爸爸重以為我係綁匪，請求我哋將佢個仔送番大埔廣福邨住所，但我為求個男童盡快得到警方照顧同保護，加上現場手機好難接收，決定將男童送到大埔大尾篤停車場後報警。」警車接報後迅速到場男童帶署，男童上警車時還向蘇大聲道謝：「唔該晒，兩位叔叔！」
蘇先生又說，男童曾簡略講述過他被綁票的經過，蘇說：「男童話兩個賊一個好啲一個衰啲，好啲嗰個畀水佢飲，衰啲嗰個打過佢同用嘢拮佢，好彩冇乜受傷。」
蘇先生表示，男童父母昨晨曾致電給他，表示稍後相約飲茶當面道謝。他說：「其實救咗人已經好開心，其他都唔重要啦！」
事發在前日早上七時許，男童與家人同住大埔廣福邨，他在上學途中被兩名賊人綁票，事後將他手腳綑綁及封口，收藏在大埔烏蛟騰一個露天停車場臨時公廁廁格內，並用木方將廁所門頂着，男童乘賊人離去後掙扎至傍晚脫險。而另一方面，綁匪致電男童家人勒索十萬元贖金，警方追蹤綁匪來電查悉他們的位置，一直展開跟蹤，其後獲悉男童經已脫險，於是在泮涌村採取行動，將兩名疑人拘捕。
