八方噚日收到一位叫做MattPearce嘅電話，佢話佢哋一班年紀介乎十八至三十五歲嘅一小撮以香港為家嘅外籍年輕人，最近成立咗一個叫做InternationalAction（國際行動）嘅政治團體，準備就佢哋關心嘅香港大問題，包括社會公義、公平原則、自由同民主，以另類方式表達意見，叫八方上佢哋網址
嘩，兩個長毛已經搞到老董氹氹轉，外國勢力公然介入政界，全港市民梗係鼓掌歡迎，不過董團夥咪周身蟻？
八方問阿Matt做邊行？乜咁得閒？佢好謙咁話自己係一位英文老師，嚟自英國，曾經喺港大修讀亞洲研究，喺香港生活已經超過七年，兩次7.1遊行都有參加，佢以發言人嘅身份話，佢哋呢群瘋子唔想被人以為只係識喺酒吧作樂，夜夜笙歌，所以組織起嚟，為香港做啲實事，睇大氣候而唔係講小埋怨，香港係國際城市吖嘛，歡迎阿Matt快啲做嘢喎！
（圖）佢哋喺網頁度話縱使大家冇企喺坦克前嘅勇氣，都希望大家透過創新嘅方法示威。
傳真︰2623-9278
電郵︰