離民主黨十二月改選領導層重有個幾月，但已經搞出好多風雨，有民主黨人私下講，主流派嘅李永達已經開始密密為楊森連任主席「做嘢」；與此同時，有前匯點民主黨人又話，最衰狄志遠失驚無神爆響口話要班師回朝，事前又冇問兄弟，搞到件事揚咗。
𠵱家死嘞，凡係前匯點人搵其他民主黨人出選中委，佢哋都驚死變成前匯點派同黨，走都走唔切，到時就算前匯點有人出選，喺中委入面都唔夠「馬」同主流派講數。
至於少壯派已經零星四散，不成氣候，但個別人仍發緊夢，想何俊仁會俾馬丁最近嘅言論「感動」到出嚟選。
不過有口痕友話，與其等馬丁，不如走去同華叔講，應該搵支聯會常委做主席，唔係有人會覺得民主黨轉軚，華叔自然會夾何俊仁出選，包保萬試萬靈。
傳真︰2623-9278
電郵︰