何超儀昨日聯同電影《蝴蝶》的導演麥婉欣，到中環IFC戲院出席「香港同志影展2004」記者會。何超儀落力為此片造勢，之前已出席過幾個影展，不過每次在影展都要回答相同的問題，她直言有時會感到煩厭。
《蝴蝶》下月二日上映，問到何超儀會否邀請父母欣賞這齣同志電影時，她笑說：「如果請爹哋嚟睇戲，我都唔會安排佢坐喺我隔籬，因為我唔想有壓力，如果佢坐我身邊，我會覺得尷尬。上次《豪情》首映，啲老友坐喺我隔籬，我已經覺得好尷尬，何況係爹哋。」
超儀又透露《蝴蝶》早前在港做了一場首映，日前她到維園表演後碰上一名外籍女同志，即席向超儀背誦了片中一些對白。記者問超儀該女同志是否喜歡她時，超儀說：「唔係，佢身邊有女友啦！佢只係講一啲對部戲嘅睇法畀我知，我唔覺拍完部戲多咗同志喜歡我。」
採訪：魯萍