踏入初秋天氣轉涼，但香港人習慣咗開冷氣，尤其係辦公室入面，永遠都凍過雪櫃，就算外面三十幾度，坐喺辦公室嘅OL都要着番件厚外套，年中浪費唔少電費，非常唔環保。
環境運輸及工務局局長廖秀冬噚日喺立法會教市民慳電小常識，就係將冷氣調高至攝氏二十五度，即刻就可以慳電四分之一，若加埋用一啲慳電電器，估計全港一年可以慳番四億度電，條數都咪話唔襟計。冬冬一講環保，就講到天花龍鳳，行會新貴陳智思就抽秤佢，咁政府機構有冇跟足咁做先？冬冬俾人窒一窒，話機電署已經做緊嘢，即係未搞掂晒啦！
傳真︰2623-9278
電郵︰