四十二歲的阿龍，數年前與友人在內地合資經營養魚場生意，蝕掉畢生積蓄，最後一度以綜援金過活，惟他並沒氣餒。
今年六月成功在地盤找到一份散工，並同時報讀工業學院課程及報考的士牌，積極裝備自己，因收入微薄，入不敷支，最近陷入欠租困境。
「𠵱家搵工要有證書，早幾個月我問朋友借咗幾千蚊報讀電機課程，朝早返工，夜晚返學，學費要逐個月還番畀朋友；另外我啱啱考到的士牌，諗住星期六、日可以揸的士幫補吓生活。」阿龍說。
阿龍育有一個八個月大女兒，由妻子照顧，他現時任職地盤散工，月入約五千元，要應付屋租、上班及上學車費、膳食費及女兒奶粉錢之餘，已無錢付租，近月他更被房屋署發警告信，令他大受困擾。
「呢個月出咗糧，但只可以先還咗一個月租，𠵱家只係剩番一千蚊過埋呢個月，都唔知點算。」阿龍無奈地說。
蘋果日報慈善基金有見阿龍的困境，即時撥款五千元予他應急。另外，他盼獲善長捐贈一部電腦，應付學習需要。
捐款編號：C0478
暖流熱線
電話：29908688
傳真：23702192
電郵：
網址：