專門表揚鄉謠歌手嘅第三十八屆鄉謠音樂頒獎禮前日喺田納西州舉行，鄉謠天王TimMcGraw今年憑住佢首飲歌《LiveLikeYouWereDying》贏咗「全年最佳歌曲」同「全年最佳單曲」，不過入行十二年嘅男歌手KennyChesney，前晚首度開齋就捧走咗最矚目嘅「全年最佳大碟」同「全年度最佳藝人」，真係乜彩都俾佢攞晒。
經常喺鄉謠音樂頒獎禮出盡風頭嘅TimMcGraw，今次攞獎時特別多謝今年一月因癌症去世嘅阿爸，佢話呢首歌係為佢老父而寫，真係感慨良多。
而現年三十七歲嘅KennyChesney憑喺美國鄉村內陸地區熱播嘅大碟《WhenTheSunGoesDown》，贏得「全年最佳大碟」同「全年度最佳藝人」，佢上台時話：「我入行做音樂同巡迴成十二年，今次先第一次喺呢個頒獎禮度攞獎，我真係好自豪。」
至於女歌手方面，MartinaMcBride今年連續第三年攞「全年最佳女歌手」，開心到佢眉飛色舞。此外，ShaniaTwain首《ForeverAndForAlways》啱啱獲美國版稅公司宣布成為過去一年播放率最高嘅鄉謠歌曲，難怪佢前日咁得戚啦！
圖片：美聯社
