近年警隊積極發展電子學習課程，將一啲常規課程電子化，然後透過警隊內聯網供人員自行研習，既可節省上堂時間，又可以繼續工作，唔使減少做嘢嘅人數，可謂一舉兩得。最近警隊製作嘅「使用槍械守則」電子學習課程，重奪得由美國Brandon-Hall.com主辦嘅「二○○四年卓越培訓成就獎」金獎。
八方知道Brandon-Hall.com呢間研究顧問公司喺美國可謂執電子培訓業界之牛耳，今次香港警隊擊敗超過一百四十個對手奪得金獎，警方助理處長（訓練）湯明善同八方講，咁就證明香港警隊嘅電子學習課程已經達到國際水平，係一項極大嘅殊榮。
傳真︰2623-9278
電郵︰