梁洛施（Isabella）前晚在西貢拍攝新歌《晚晚乖》MV，並一改長髮形象，戴上假髮以短髮造型示人。
Isabella滿意戴假髮的造型，她說：「我喺MV裏面會着一啲性感嘅衫，乘機改變玉女形象，我呢個形象幾俏皮，遲啲會叫髮型師幫我準備多啲假髮備用。」問到Isabella穿性感裝束，是否要挑戰師姐鄭希怡（Yumiko）的性感女神地位，她說：「唔敢，我未到嗰個地步，我都唔會着T-back。」
Isabella前晚拿着一個雀籠拍攝，原來之前本準備了兩隻雀仔，但因她不時逗玩雀仔，結果不幸玩死其中一隻。
此外，日前商台DJ少爺占為Isabella查三世書，指她前世為太監，她說：「媽咪都搵人幫我查過，有人話係律師，有人又話係教師，都唔知信邊個。」
採訪：楊潔雯 攝影：陳偉權