老牌殖民地英文大報《南華早報》噚晚喺港島香格里拉酒店慶祝創刊百周年，阿董同眾高官以及城中名人都畀面報主郭鶴年出席。
當中包括有李少光、冬冬、李國章、馬時亨、李明逵、朱培慶、蘇澤光同黃志祥等等。
眾人媽打李麗娟話都唔記得問《南早》攞番一張好有紀念價值嘅相，就係當年佢同已故港督麥理浩一齊去新界新娘潭執垃圾，行到攰晒赤腳喺度浸水嘅照片。咁懷念殖民地時代，媽打真係性情中人，梗係喇，媽打當時係麥督秘書，地位尊崇，點似𠵱家林煥光服侍阿董咁，跟出跟入，揦埋口面，痛苦萬狀咁表情咩？
傳真︰2623-9278
電郵︰
