最高人民法院院長兼首席大法官蕭揚，前日啱啱獲香港城市大學頒授榮譽法學博士學位，噚日喺G4嘅保護下，由終審法院首席法官李國能帶隊，馬不停蹄參觀香港法院，見蕭院長全神貫注聽審，睇嚟佢對香港嘅司法程序相當關注。
蕭院長噚日朝早參觀完終審法院，十點幾就去到東區裁判法院，食完晏即刻去高等法院，李國能同八方講「蕭院長好耐無嚟香港喇，我同佢講吓我哋司法機構面對嘅挑戰，至於民事判決互認就無仔細傾過。」蕭院長觀後感又如何呢？李話：「要食晚飯時先有時間問佢」。而在旁嘅蕭院長就一直回應「多謝，多謝」。
（圖）最高人民法院院長蕭揚（右）喺李國能（右二）陪同下參觀東區裁判法院。 蔡曉楓攝
傳真︰2623-9278
電郵︰