花膠、海參貴為海味四大天王之二，食療價值毋庸置疑。可惜天王最蝦人服侍，除了繁複的浸發程序外，無論燜燉煲湯怎樣炮製都很費時。但如果假手於人，食材品質難以保證；坊間更有不良商販為省時以化學物質浸發海參，等同貼錢買難受。不想食次貨，又想煮得精明，今天我們介紹用花膠、海參一次過做兩道菜──先煲後燜，既有老火靚湯，又有惹味燜燒肉，精華盡收！
記者：李湘虹
攝影：周旭文
示範：沙田讀者曾女士
海味四大天王（鮑參翅肚）中的海參和花膠，食療價值豐富。100克海參中含蛋白質高達76.5克，更是唯一不含膽固醇的海產。海參膠質可補骨骼磨損；又能補腎益精，養血潤燥，更可護膚養顏。而花膠是曬乾後的魚鰾，能滋養筋脈兼補肺，更可治療關節痛和眼疾。花膠中以公較佳，更富營養但價錢也較貴。
入廚超過30年的曾女士說：「近年發現吃花膠海參，骨骼痠痛少了，人精神多了。但處理麻煩，所以我會一次浸發多條，放在冰箱可保存至少半年。我以前只會煲湯飲，但湯料兒女不愛吃，於是再加鵝掌、燒肉、髮菜等燜更入味，又湯又餸，營養更豐富。吃不完留第二日更惹味。」
花膠：清水浸4小時。原煲水連1塊薑煲滾，熄火焗4小時。
自製價：$20/4人份量（不包括煲過湯的花膠、海參）
用咩料
花膠（煲過湯） 半隻
海參（煲過湯） 1/3條
燒肉 4両
冬菇、蠔豉 各1両
小棠菜 5棵
蒜粒、薑片 各少許
蠔油汁：
蠔油 1湯匙
豉油 2湯匙
鹽 1茶匙
糖 半湯匙
紹酒 1湯匙
水 2碗
好易做
1﹒浸軟冬菇、蠔豉；小棠菜烚以油鹽水放碟墊底備用。爆香蒜粒薑片，加燒肉兜香，再加冬菇、蠔豉和切條花膠海參。
2﹒加入蠔油汁倒落鑊，滾起收火燜半小時，最後埋芡即成。
小貼士：
1﹒為防花膠海參黐鑊底，可用薑起鑊，燜時須不停看火和攪拌。
2﹒用未煲過湯的花膠海參，燜的時間較長（約個半小時），要又煲又焗至少兩次才腍身。
