又有中國奧運金牌得主嚟咗香港啦，不過今次唔係搞到體育版，港聞版，連娛樂版都一齊去採訪嘅「亮晶晶」。今次換咗晶晶個好隊友、一齊攞女子雙人三米彈板跳水冠軍嘅吳敏霞，同埋已經參加過好多屆奧運嘅應屆男子十米氣手槍金牌得主王義夫。
點解佢哋會嚟香港？好似唔係落嚟受𠝹於富豪個孫，係為咗出席有體操王子之稱嘅李寧嗰間體育用品集團，香港設立設計及研發中心嘅成立儀式。據八方所見，佢哋兩個好有耐性，一副行得正企得正嘅頂天立地款，等班攝記大佬慢慢影，唔同亮晶晶咁，好似做咗虧心事咁四圍閃。
（圖）（左起）吳敏霞同王義夫喺度祝酒時，李寧就掛住同投資推廣署署長盧維思握手，運動員同生意人果然唔同。 李潤芳攝
傳真︰2623-9278
電郵︰