梁朝偉、任賢齊、舒淇與幾位新女星合作演出的《漢城攻略》，昨日在漢城開鏡時，寰亞的新女星焯勻所穿的低胸裝令舒淇亦變得黯然失色。而小齊和偉仔在溫泉拍攝水戰戲時，更大呼熱辣辣。記者馮美茵漢城直擊
由梁朝偉、任賢齊、舒淇及三位韓國女星等主演、馬楚成執導的《漢城攻略》（前名韓國攻略），昨日在漢城抱川市一個溫泉區補辦開鏡儀式，所有演員均有出席，不過全場最搶鏡的反而是寰亞公司新人焯勻，昨日她穿上緊身低胸裝，將豐滿身材表露無遺，極度誘人。
雖然昨日一眾女星當中以舒淇知名度較高，但她明顯給焯勻比下去，傳媒爭相為她拍照，而焯勻亦甚懂得搶鏡，一直站在偉仔身邊，不過偉仔在傳媒面前，似乎不敢多看一眼性感的焯勻。
《漢城攻略》在韓國拍攝期間，當地傳媒曾聲稱偉仔與韓國女星鉉英密會，不過昨日偉仔否認說：「有冇影到相先？冇吖嘛！嗰晚有十幾人一齊食飯，小齊都喺度！」
另一方面，昨日小齊在溫泉拍攝落水混戰場面，他笑說：「唉！因為天氣凍，我重專登着咗件潛水衣保暖，點知要喺溫泉同偉仔打，熱到我死，諗唔到喺溫泉拍戲咁熱。」
此外，曾演出黎明ＭＶ的「韓版舒淇」趙漢娜，今次有機會與舒淇同場演出，昨日舒淇說：「我唔覺得佢似我，不過我覺得佢幾靚，啲人話樂基兒似我，我都覺得唔似，不過佢夠膽隆胸，幾勇敢。」
曾與應采兒合作拍戲的馬楚成，昨日談到對方涉嫌藏毒被捕一事時說：「藝人嘅形象已經損毀得好厲害，所以大家應自愛。」對於有網上消息指該片原本意屬韓星朴志胤做女主角，後來她的角色變為配角，馬楚成就此回應說：「開頭劇本嘅女主角係韓國女仔，但後來女主角改咗做中國女仔就冇再傾。」
