對於新牌仔嚟講，泊街位可能係極麻煩嘅事，不過就算麻煩亦有需要注意嘅地方，尤其係喺斜路泊車，就更加需要小心。如車首指向上斜方向，而旁邊又有行人路嘅話，就應該盡量靠左，泊定車子拉上手掣及入上一波（自動波車應入P波）後，更應把軚盤扭向右，因為即使機件出現問題或忘記拉手掣而溜後，前輪也會受路邊石壆所阻而停下。但若路旁沒有石壆及行人路便應該向反方向扭軚，因軚盤扭向左邊，就算車輛溜後亦不會跨越出路中心，增加危險性。在落斜處泊車，同樣應該靠左，軚盤則扭向左，繼續利用石壆做個保險，停車後應該入後波（自動波車應入P波），並拉緊手掣才離開。
最後，斜路泊車無論對新手或老手嚟講都有一定難度，所以泊車時記緊和前後車預留更多空間，咁方便人哋之餘，自己出車時都會更安全。
記者：馬慶武