余文樂嚴選打機Angel一定要著三點式

余文樂和鄭融近日獲邀任PlayStation2「2004全港GT4Angel選舉」的宣傳大使，二人昨日聯同周汶錡出席在尖沙嘴舉行的宣傳活動。問阿樂挑選Angel有甚麼準則時，他竟說：「一定要着三點式，通常都係咁㗎啦，可以幫手促銷吖嘛！」

「夜蒲唔一定壞」
提到前日跑國際金融中心時跑到氣喘，阿樂說：「跑到抽筋，唔跑都唔知自己咁孱弱，跑到上去時雙腳重郁唔到㖭。」
至於2R指有圈中人邀請她們參加迷幻派對，阿樂說：「去夜蒲唔一定壞，又冇人揸住槍要你去，人哋亦冇標明話你去嗰個係迷幻派對。」
問周汶錡有否去過迷幻派對，她說：「啲人都唔敢請我啦，我咁正經。」而鄭融指近日迷上打機，結果被母親沒收了遊戲機。
採訪：胡比
攝影：陳志嵐

余文樂前日跑國金時，跑到氣喘兼抽筋。

鄭融被母親沒收了遊戲機，故昨日乘機打個夠。