上市公司高寶綠色噚日慶祝東莞常平廠房獲批成立「博士後科研工作站」兼十周年，請得股東之一嘅彤叔鄭裕彤（圖）（持百分之十五股權）到常平作主禮嘉賓。
彤叔唔坐私家車，同傳媒一齊乘坐直通火車去常平，不過，直通火車的確又快又舒適，而且可以一邊坐一邊跟一班朋友玩啤牌，搭得好過癮。
彤叔一上車就同明嘉福等三人，攞啤牌出嚟鋤大弟，重玩足成個鐘至落車。結果彤叔大勝，八方只聽到佢嘅戰友話輸咗幾多底，彤叔贏咗就唔多出聲。
最近網通招股，彤叔話佢都買咗啲，至於將會上市嘅中國國際航空，就睇吓資料至決定係咪入飛。佢又評論近期金價大升形勢，話已經升到好高，相信唔會再大升。
傳真︰2623-9278
電郵︰