精明消費：
戀上床頭櫃瑣碎雜物收納整齊
可能你會覺得床頭櫃可有可無，但你又知唔知道，一個設計靚靚的床頭櫃可以幫你美化睡房，實用性高的又可以幫你收納房內所有瑣碎物件。綜合以上所有優點，呢一刻你對床頭櫃會唔會開始有少少改觀呢？
記者：黃婉冰
攝影：陳陶鈞、林栢鈞
ImageGirl：Crystal
儲物櫃桶收納睡房雜物
床頭櫃最大好處是可以幫你將鬧鐘、電話等用品一律放在床邊，要用時手到拿來，還有另一好處是可以幫你間房由狗竇變得整整齊齊，皆因一般床頭櫃都例必有一個或多個櫃桶，用來收納睡房內的濕碎雜物就最好不過！
最襯榻榻米
尺寸：闊60×深51×高20cm
單櫃式矮身設計，最啱配襯榻榻米床。櫃面闊大，有大量空位放置床頭燈、相架等，櫃桶容量雖然不及雙櫃式多，但足以用來收藏濕碎雜物。
售價：$1,380(d)
古典中式三桶櫃
尺寸：闊44×深42×高67cm
中式仿古款，以竹條及柚木配襯，帶出另一種古代家具的味道。三個櫃桶足以用來存放大量雜物，高身設計較適宜配合高身大床。
售價：$2,200(a)
雲石配楓木夠特別
尺寸：闊60×深47×高47cm
櫃面鑲上雲石，襯以楓木圓角櫃身，糅合高貴與摩登。設計師巧妙地運用多個U形線條作隱藏式把手及櫃腳，簡約中見心思。
原價：$6,430
特價：$2,251(d)
仿古木衣箱
尺寸：闊49×深49×高51cm
柚木製方形木箱，綴以銅色鎖頭、手挽，款式似足阿爺年代的衣箱，配襯一室中式家具，古代閨房活現眼前。木箱面可放床頭燈，木箱內櫳足以放床單等寢具用品。
售價：$1,100(a)
仿皮櫃面玩高檔
尺寸：闊20×深16×高19cm
設計以多個不同大小的方形組合而成，外形驟眼睇似Kubrick公仔。櫃面以仿皮質料做出PatchWork效果，一大一小雙櫃桶設計，可將雜物整齊分開。
售價：$1,480(d)
反傳統塑膠櫃
尺寸：闊44×深40×高40cm
櫃身以聚丙烯質料製造，櫃架則用上原身實木，由款式到用料都跳出傳統框框。款式雖前衞，但櫃桶始終以塑膠製成，雜物不宜過重。
售價：$129(b)
簡約四方積木
尺寸：闊40×深35×高42cm
看似巨型四方積木的床頭櫃，白木紋襯焗漆，外形簡約。櫃門把手以長形木條代替，既可作裝飾，又具實際用途。
原價：$660
特價：$430(c)
附設層格放書籍雜誌最啱
好多人睡前都有睇書習慣，睇到攰就瞓，每當睇完後，最想搵一個就手又就近的空位將書安置好。呢個時候，一個附設層格或層板的床頭櫃就最切合你的需求。層格可用來存放大量雜誌、書籍，賣相美觀又實用。
懷舊四方櫃
尺寸：闊39×深39×高50cm
款式設計甚有七十年代風格的膠方櫃，櫃內以活動層板分成上下兩層。取走層板可將櫃內空間提升，櫃底裝有活輪，移動方便。
售價：$690(b)
CyberLook鋁合金
尺寸：闊45×深40×高54cm
雖然用料同樣是實木，但以磨砂銀色鋁合金做飾面，令櫃款充滿Cyber感。櫃底裝有活輪並備有安全掣，可以Lock實以防周圍郁。
售價：$6,520(d)
收入床底好慳位
尺寸：闊100×深43×高50cm
櫃桶邊附設一塊寬闊層板，可用來放雜誌或書籍，不用時可將層板推入床底，變成一個普通床頭櫃，夠晒慳位。櫃下有活輪，方便移動。
售價：$990(b)
衫架首飾櫃兼備
尺寸：闊45×深41×高127cm
全個以柚木製造，設計集首飾櫃與衫架於一身，兩個細小的拉櫃可用來放細小的首飾。附設衣架及褲架，可用來掛外套、褲或恤衫，慳位又實用。
售價：$900(a)
搶眼顏色冧掂小朋友
床頭櫃並非大人的專利品，小朋友一樣可以擁有。要吸引小朋友，除了顏色要搶眼外，款式亦非常重要，以下有多款充滿卡通色彩、造型又得意的款式，想小主人開心就落足眼力慢慢揀清楚！
織格層板玩新意
尺寸：闊45.5×深31.5×高65cm
實心白楊木床頭櫃，最特別是其下面的層板以織格代替一般常見的實心板，可提升透視感及通風度，遇上潮濕天氣都唔怕書籍發霉。
售價：$390(b)
古典竹架設計
尺寸：闊51×深51×高56cm
以竹為主題的款式，全張以榆木做成，木色雖然較深，但櫃邊及把手都以竹形作點綴，款式較突出，美觀性與實用性俱備。
售價：$3,500(a)
Cutie卡通四桶櫃
尺寸：闊107×深44×高58cm
粉藍色櫃身配上一身圓咕碌把手同肥嘟嘟櫃腳，顏色同造型都非常得意。加埋四個大櫃桶，足夠俾小朋友放雜物。
售價：$1,150(b)
小紅櫃最搶眼
尺寸：闊44×深36×高66cm
紅色小櫃重有隻可愛斑馬仔做櫃門把手，女仔實鍾意。上有層格下有大大個櫃桶，可以用來放圖書和玩具。有轆設計，方便搬移。
售價：$1,560(a)
店舖資料
(a) indigo 25550540 鴨脷洲利華街海怡工貿中心6樓
(b) 宜家傢俬 31250888 九龍灣偉業街33號德福廣場二期3樓
(c) 自我家 23031332 紅磡黃埔花園第12期地下20-21號舖
(d) 歐化傢俬 23336281 九龍紅磡漆咸道北275號
純白色啱小公主
尺寸：闊40×深37×高77cm
南非品牌Treehouse出品的純白色床頭櫃，櫃桶把手是個粉紅小手袋，賣相攞足100分。小櫃桶配合層架設計，實用又美觀。
售價：$1,790(a)
櫃桶一推就開
尺寸：闊51×深40×高38cm
粉藍色櫃桶採用彈弓設計，只要向前一推，櫃桶就會彈出，非常方便。設有層架可擺放書本，櫃底有四個轆，搬移方便。
售價：$890(d)