一年一度嘅毅行者又結束，參加商台隊嘅立法會議員有梁耀忠、陳偉業同前議員何秀蘭，好可惜三個「壯士」都冇辦法完成一百公里。大嚿同何秀蘭因體力不繼，大嚿行咗三十幾公里，何秀蘭就行咗二十公里就退出。
大嚿同八方講，何秀蘭行到十幾公里，個樣已經唔係幾掂，佢就頂到三十幾公里，但個膝頭已經頂唔順，如果下年要再參加，唔減肥都唔掂！八方問大嚿幾多磅，佢話有二百磅，咁怪唔之得要減肥啦。
跑開馬拉松嘅阿忠體力就冇問題，但因為突然有啲少年犯問題要處理，只好喺第二個檢查站，西貢北潭坳中途加入商台隊。阿忠行到星期六晚先到終點，雖然行唔足全程，但大大話話都行咗八十公里，認真犀利。
阿忠話，佢行咗都有三十個鐘，今次係佢第二次玩毅行者，但有啲可惜兩次都行唔晒，幾年前第一次行，嗰時同行會嘅陳智思接力行五十公里。
傳真︰2623-9278
電郵︰