相信有玩開玩具的潮人，都一定聽過盧Sir呢個名字，呢位人稱美國漫畫專家的香港玩具界權威人物，近日搬舖，當然成為玩具界中之大事，盧Sir不但引入大量新貨，繼續為一班大細路服務外，盧Sir更聯同妹妹踩入波鞋界。咪以為盧Sir淨係識玩具，原來連波鞋都有所研究，新貨之中更不乏勁鞋。波鞋×玩具舖全香港只此盧Sir一間。
記者：李崗華 攝影：陳盛臣
新舖速覽！
原來盧Sir一直對波鞋有研究，但就冇諗過開波鞋舖，因為盧Sir覺得始終係另一門生意。今次之所以新舖兼賣波鞋，全因盧Sir妹妹冰心由加拿大回流香港，而她熱愛波鞋。千祈咪以為兩個波鞋界新丁，所賣嘅貨就一定會係冇乜特別，相反，由於冰心長居於外國，更不時與兒子周圍搜括罕有波鞋，所以與不少北美波鞋舖老闆熟悉，貨源絕對不成問題。至於玩具方面，大致與舊舖一樣以美國玩具為主，再加一些日本潮流玩具，當然唔少得嘅係盧Sir強項美國漫畫書。
精選波鞋推介！
$3,680）
呢對就係早前搞到滿城風雨的UnkleDunk，盧Sir新舖梗係有售，而且售價不貴，有興趣可以一諗。
雖然呢兩對DunkLoPro並非十分當炒之作，但係盧Sir誠意推介，全因呢兩對鞋的顏色係盧Sir至愛。
呢兩對一黑一金就係Nike的Lucky系列，雖然黑色係波鞋界中的當炒顏色，但今次就例外，反以金色的Lucky成為當炒品，而且價位更係有升冇跌。
單睇外表呢對ZoomGenerationI與街外行貨冇乜分別，但鞋內就繡有LebronJames的首次NBA作賽日期，只有落場版先至有。
第一對以中國地方為主題的DunkLo，特色之處於鞋脷上繡有滬字，即上海的意思，近期港、日大熱，全因只有上海及部份北美地區有售，罕有之作。
橙色呢對大家都知係SupremeDunkHi，炒得不在話下，但盧Sir只賣$3,000樓下，抵買到極！而另一對冰藍DunkHi亦係盧Sir推介，呢隻色係佢至愛。
大熱玩具逐個數
雖然純粹係擺設，但設計師就大有來頭，皆因出自瑞士設計師HRGiger的手筆，《異形》就係佢早年作品。
係咪有啲熟口熟面呢？呢幾個Figure曾經成為Sony廣告人物，唔講又以為係日本出品，但其實係本地設計師何家超作品。Figure除限量150套之外，更係盧Sir獨家發售。
說得上盧Sir係美國玩具專家，絕版玩具當然有唔少，除星戰外，絕版G.IJoe就係盧Sir的得意珍藏，每個Figure都係盧Sir於世界各地搜集，如果有興趣不妨同盧Sir傾吓偈，可能會有意外收穫。
扮演超人的基斯杜化李夫近日不幸逝世，一眾Fans立刻四出搜括超人玩具，不單止成為近期大熱，超人熱更因此大有回歸之勢。
售賣點：ComixBox（23170391）
尖沙嘴漆咸圍79號五礦大廈地庫5號舖
