ISO9000系列好多人都認識，原來𠵱家除咗搞品質管理之外，處理投訴都可以系統化。最近香港嘅花旗銀行就攞咗個CMSAS86:2000證書，係全亞洲第一個機構攞呢個證書，證明佢哋喺投訴處理上，已經建立完善系統。
聽花旗優質服務管理亞太區總監蔡祝賽音講，佢哋1997年已經開始搞優質管理，所以一知道有呢啲證書，就即刻申請，幾個月就pass，又話𠵱家啲客好成熟，知道自己嘅權利，所以透過電話或寫信去表達佢哋意見嘅個案都有增加，當中亦有投訴，因此處理呢啲回應好重要，令銀行與別不同咁話。要做好服務業，適當處理投訴好重要，唔怪得經營呢款證書嘅英國標準協會都話，已有唔同類型嘅香港公司表示有意考取證書啦！
傳真︰2623-9278
電郵︰