林嘉欣前晚在旺角朗豪坊出席網上歌舞劇《牆前明月光》首映，她表示男友陳光榮因為工作忙碌無暇到場，但會在網上觀看。
有報道指自林嘉欣公開戀情後，不少工作計劃被擱置，她否認說：「呢啲嘢係人哋講嘅啫，我專心工作，公司好錫我，工作冇減少，我𠵱家已經有三個劇本傾緊，都要等公司幫我揀，拍拖係生活上嘅嘢，唔會影響工作，fans都留言話好支持我。」林嘉欣謂公開戀情前，曾跟閨中密友李心潔分享心事。
此外，林嘉欣昨日在商台宣傳今日推出的新唱片時說：「呢次我嘅唱片監製係金培達，我之前都有試唱過demo畀男友聽，佢冇講乜嘢，將來有適合機會會合作。」
採訪：魯萍、駱華齡
攝影：何國豪