名模Rosemary和周汶錡等昨日往灣仔會展演出婚紗騷，有指因Rosemary差不多囊括所有內衣及泳衣騷，致令樂基兒作出隆胸的決定。Rosemary昨日表示身材好未必佔盡優勢，在纖瘦模特兒旁更顯得太大份，但她讚賞樂基兒敢做敢認的作風，並指對方隆胸效果自然。
名模Rosemary、周汶錡和演員姚嘉妮等昨日在灣仔會展演出新天地及羅浮宮的婚紗騷，Rosemary表示最喜歡紫色的婚紗及晚裝，家中電腦的wallpaper及床單顏色都是紫色。
對於同行樂基兒承認隆胸以及傳乳頭有紋身成為熱門話題，Rosemary昨日大讚對方勇敢大方，她說：「佢好wonderful，有啲人做咗都唔會認，我覺得（隆胸）只要對身體冇害就得啦，況且佢隆得好自然，如果好似彭美拉安德遜（PamelaAnderson）隆得咁誇張就唔好睇啦。」
有報道指身材驕人的Rosemary幾乎壟斷了所有內衣及泳衣騷，Rosemary則說：「唔係，其實唔同設計師嘅服裝都需要唔同身形嘅模特兒，我自己骨架大，睇起嚟好大份，拍埋落LisaS.呢類咁瘦嘅模特兒身邊，夠唔好睇啦。」
至於有指樂基兒乳頭有紋身，Rosemary則說：「係咩？我唔會咁八卦問番佢，我自己就對紋身冇興趣啦，試過讀書時有女同學拉我陪佢紋身，佢重係紋喺下身敏感位置，我覺得好唔衞生呀。」
此外，示範無數次婚紗的姚嘉妮被問到何時與男友林祖輝結婚時，她說：「相士話我嘅生肖出年旺桃花，等我博多年先啦，反正我都好耐冇享受俾人追嘅滋味啦。」
採訪：JessicaNgan
攝影：HoKwokHo
