應采兒前日涉嫌藏毒被捕，消息傳出後，一班名人明星都對此事甚表關注，並紛紛發表意見。
薛家燕：呢個係風氣，不法分子利用呢啲嘢（毒品）去誤導人可以減壓。藝人好辛苦先可以爭到今日嘅名氣，事件會影響一生，其實已經有先例，點解重要咁做，真係抵死，咁樣會令錫佢嘅父母、家人同朋友痛心。
吳浩康：件事重未肯定，我都唔清楚內情，尤其我經歷過，我覺得做人要自律，相信件事會影響佢，呢個時間佢都會好大壓力，希望佢以平常心去面對。我身為過來人，我知道會好難面對，但每個人要為做過嘅事負責任。
教育統籌局局長李國章：唔希望青年藝人吸毒樹立壞榜樣，佢哋應該好好教育下一代，如果青年人吸毒，就要去了解佢哋吸毒嘅原因，然後去幫佢哋。