缺貨個多月的本田Stream七人車，最近再有新貨返港，還加強宣傳攻勢，今次以「全城最平七人車」作為重點出擊，比以前割減一萬出售（原價$159,800），至於配套裝備則依然不變。曾為駕駛學院拍廣告的四人樂壇組合女生宿舍，就立即話要試揸，因為各人都有買車打算。尤其是呢類又抵又大架嘅七人車，無論返工抑或載埋一家大細郊外玩都咁啱。
記者：曾順珍 攝影：伍慶泉
Fashion：PennyBlack Hair：PatrickChan（TripleEdge）
見一班女仔講車講得咁開心，就先來個小測試，要她們圍住加多利山住宅兜一個圈，結果……
以為這四個女仔對車無興趣，點知佢哋當中三個已有車牌，Macy揸香港牌，Toby揸國際牌，Bella揸內地牌，只有Elise還未有牌。採訪當日，四個女仔圍在車內影相時，Bella已急不及待坐在司機位東搞西搞，前後水撥都被佢開動，還不斷仔細四周打量，原來她說自己早已有買Stream的打算，因為愛佢車身高空間感大，視野又廣闊，而且在內地買要三十多萬元，香港則賣十五萬一部，所以好抵。
「呢部車要快都可以好快，外形唔錯，操控靈活，最緊要係坐得舒服。以前喺內地我都有一部外形似MINI嘅車，牌子叫QQ，因為要襯番部車嘅得意外形，所以我寧願唔買衫，都要買毛公仔為部車扮靚。」
16歲已在加拿大考牌揸車的Toby，曾經揸過Volvo和本田Prelude，以她的熱情和愛刺激的性格，揸快車絕不出奇，還自稱泊車只要一手軚就搞掂。
「我只會同熟朋友一齊時先會揸快車，加上加拿大嘅路又長又闊，根本好易揸，而且每個月我哋一班朋友都有比賽，所以我會將自己架車改裝，又改Tiptronic、momo波棍、換黑色玻璃咁，好開心！至於呢架Stream，我覺得佢好穩定，可能我喺加拿大已經有揸過Honda車，所以對佢嘅性能絕對有信心！」
在香港考了車牌但又未擁有座駕的Macy，覺得Stream的波棍設在手控台上，位置較高好就手，而且車廂又闊大，疲倦時最啱把車停在某個角落然後在車內休息。
「不過以我嘅身形，最啱都係揸舊MINI，因為細細架，又有五、六十年代風味，而且重可以自己設計車身花紋，夠好玩！」
至於還未考牌兼外形斯斯文文的Elise，估唔到原來最愛電單車和大車，還希望將來有能力的話，可以買一架好像內地電影《不見不散》中的長車，還要有齊睡床、雪櫃、洗手間等，就可以坐住佢去旅行。
「我好鍾意揸車去旅行，最好將來可以買一架咁嘅大車，到時可以由男朋友揸，而我就可以舒舒服服坐喺度。」
同樣是低重心的七人車，配備2.0公升引擎，馬力達135匹，尾排座椅還可以拆除，重裝有門內置防撞桿、ABS、EBD等系統。
售價：$131,900
1.8公升引擎可輸出126匹馬力，扭力有16.5kgm，配件齊備，中尾排座位還可以自由摺合，靈活運用空間。
售價：$99,000
車廂特闊，內櫳和裝備又夠豪華，還設有特大盛載雜物的儲物架，前中後三排座位都可靈活變化，其2.0公升引擎可輸出150匹馬力。
售價：$188,000（標準版）
引擎：1668cc直四SOHCi-VTEC
馬力：130ps/6300rpm
扭力：15.8kgm/4800rpm
傳動：4前速自動波
懸掛：（前）麥花臣支柱（後）雙搖臂式
制動：（前）透氣碟（後）鼓式
輪胎：185/70R14
尺碼：4550×1695×1590mm
軸距：2720mm；車重：1360kg
車輛提供：合群汽車（23802231）