精明消費：新款牙刷注重刷毛設計
清潔更徹底
「向上刷，向下刷。」刷牙係每日生活嘅重要部份，晨早起身同臨瞓前刷牙絕對係指定動作，牙醫更建議每次飯後都刷一次牙，確保牙齒雪白同健康。走過各大百貨公司同超級市場，發覺新款牙刷加入如純銀、負離子等新設計，令牙垢更易脫落，有效減少蛀牙及牙肉毛病，確保大家口腔衞生。
記者︰陳漢威
攝影︰陳偉強、黃子偉、林栢鈞
Model︰Ling
新款牙刷設計革新
以前買牙刷，最多都係分軟毛、中毛、硬毛等，但今時今日新款牙刷都不斷改良刷頭、刷尖、甚至手柄都有革新設計，更加入負離子及純銀刷頭等技術，加強清潔及殺菌效能。
X形刷毛
家護X角度彈性牙刷，有X形刷毛配合彈性刷尖，有效去除牙菌膜及牙垢，更有彈性彎頸紓緩刷牙力度，呵護牙肉。備有特大柔軟手柄，配合手形，令用家更得心應手。
售價︰$15.9（b）
釋放負離子
內藏3V電池，喺使用時能釋放出負離子，有效吸走帶有正電極嘅牙垢，可消除口氣及污垢引起嘅齒齦炎等口腔疾病，可謂相當高科技，更可更換電池及刷頭，經濟衞生。
售價：$31.9（d）
成份特別：純銀刷頭
呢支美康SilverCarePlus牙刷，以999純銀平均鍍上刷頭，當接觸水時，會釋放出銀離子，消除依附喺刷毛及刷頭上嘅細菌，達致自身潔淨功能，有效清除蛀牙菌及確保牙刷免受細菌感染。刷頭更可更換，經濟環保。
售價︰$36（d）
前驅刷頭
高露潔前驅型牙刷，擁有靈活彎曲嘅前驅刷頭，能夠深入牙齒同牙縫難刷部位，有效清潔牙垢。前驅型牙刷具有彈力刷頭，吸收多餘壓力，保護牙齦，更備有軟墊刷柄。
售價︰$25.9（b）
超極細毛
獅王超極細毛牙刷，刷毛比普通牙刷幼細一半，能夠更有效清潔牙縫中微細嘅牙垢同牙菌膜。加埋防滑刷柄，令用家操控自如。
售價︰$20（d）
全方位潔齒
高露潔全方位牙刷，有多重高度及角度刷毛，能徹底深入清潔牙縫部位，有效清潔深藏的污垢。有防滑軟墊刷柄，以防跣手。
售價︰$25.9（b）
按摩牙肉
高露潔按摩型牙刷，用上獨特設計，能有效清除牙菌膜?斑及按摩牙齦。其靈活彎曲的刷頭，能配合不同形狀牙齒，更有多重高度刷毛，有效清潔及按摩牙肉。
售價︰$29.9（b）
彈力氣墊刷柄
黑人動感彈力牙刷，獨特嘅彈力氣墊刷柄，有效吸收刷牙時過大的力度，更有前進波浪形杜邦刷毛深入齒縫，令用家刷得更乾淨。
售價︰$12.9（e）
更換刷頭
牙醫建議每3個月應該更換牙刷，呢支高露潔Replace牙刷最大特點就係可以更換刷頭，V形刷毛方便清潔牙縫，更有彎曲手柄方便操控。
售價︰$25.9（b）
透明刷柄
呢支黑人晶瑩按摩牙刷，用上彈力V形刷毛，寬闊刷面及透明曲柄設計，就算有少少污垢都即時睇到，夠晒衞生。
售價：$4.9（e）
旅行裝一套夠方便
出外旅行出Trip，酒店附送嘅牙刷牙膏通常唔多掂，所以好多人都會帶定套旅行牙刷套裝同行。新款旅行套裝無論牙刷牙膏都有相當高嘅質素，加埋個靚盒載住，絕對係方便、有型兼實用。
尖端特長刷毛
Oral-B多動向牙刷，獨特嘅交叉刷毛設計，能挑起及掃除牙菌膜，其尖端更有特長刷毛，令用家刷得更乾淨。
售價︰$19.9（b）
夠專業：箍牙專用
Oral-BOrtho牙刷，特殊內向V形刷毛及特製刷頭，專為正在箍牙嘅用家設計，能夠更有效刷走牙齒同牙箍之間嘅殘餘食物同牙垢，保持牙齒健康。
售價︰$21.8（e）
特大刷頭
呢支款式經典嘅煙斗牌牙刷，手柄夠直，硬軟二重植毛，加埋個舊式嘅特大刷頭簡直Man到震，完全係OldSkool感覺。
售價︰$5.8（e）
靚靚包裝：草本牙膏
呢套獅王女士旅行套裝，透明刷柄配上柔軟刷毛，更有獨立透明膠盒保護刷頭，免受污染。附送天然嘅草本牙膏，賣相夠晒搶眼。
售價︰$24.9（d）
組合刷柄夠實淨
呢套Oral-B旅行裝，拆開儲存盒就係牙刷，組合方便。雖然牙刷由兩部份組成，亦相當夠力，配埋25ml牙膏，成個禮拜都夠用。
售價︰$24.9（b）
兒童牙刷款靚功能兼備
刷牙嘅良好習慣當然要由細培養，但小朋友嘅牙齒同牙肉都非常幼嫩，用大人牙刷唔單止難以清潔，更好易整傷佢哋發育中嘅口腔。身為家長嘅你，一定要買支有靚靚外表同良好功能嘅兒童牙刷，小朋友學刷牙都零舍開心！
細毛刷頭
男士一向都鍾意簡單方便，呢套獅王男士旅行套裝，牙刷用上細毛刷頭，方便清潔微細牙垢，更附上防口臭牙膏，放埋落個淺藍色透明盒就一目了然，方便隨身攜帶。
售價︰$30.9（d）
唔起泡牙膏
無印良品嘅旅行套裝，牙刷以組合式刷柄設計，加埋PP膠造成嘅圓筒形儲存盒，夠晒型。內附一支由天然用料造成嘅牙膏，特點係唔會起泡，確保用料天然。
售價︰$30（c）
換牙階段適用
Oral-BStages3兒童牙刷專為略懂刷牙、乳齒開始脫落或已長出恒齒嘅5至7歲兒童使用，杯形刷毛有效包圍及清潔每顆牙齒，更有軟墊刷頭設計，保護幼嫩牙肉。
售價︰$14.9（b）
超可愛：小火龍刷柄
高露潔兒童牙刷專為2至7歲嘅兒童設計，超柔軟刷毛及特別小的刷頭，適合兒童幼嫩及細小口腔。用上「寵物小精靈」作刷柄造型，夠晒吸引。
售價︰$11.9（b）
立體刷毛
呢支賤兔兒童牙刷，適合3歲或以上兒童使用，PP+橡膠刷柄，刷頭配合優質立體雙層刷毛，專為兒童幼嫩的牙床製造，不會損害兒童的牙肉及琺瑯質。
售價︰$12（a）
特細刷頭
花王嬰兒牙刷，專為初生至2歲的嬰兒口腔設計，特細刷頭、柔軟刷柄及刷毛，容易深入口腔而唔傷牙肉。刷柄圓形位置專為家長拇指而設，操控更易。
售價︰$12.5（d）
店舖資料：
（a）西田百貨 26941111 沙田新城市廣場3期2樓
（b）惠康超級市場
（c）無印良品 26926406 沙田新城市廣場3期3樓
（d）崇光百貨 28338338 銅鑼灣軒尼詩道555號
（e）吉之島 28846888 鰂魚涌康山道2號康怡廣場南
柔軟混合刷毛
Oral-BStages4兒童牙刷，適合8歲以上同時長有乳齒及恒齒的兒童使用。獨特柔軟混合刷毛，適合應付過度期中牙縫較大的階段使用，有軟墊刷頭設計，保護兒童幼嫩牙肉。
售價︰$14.9（b）
乳齒成長設計
Oral-BStages2兒童牙刷，專為2至4歲乳齒成長期的兒童學習刷牙而設計，備有軟墊刷頭，保護柔嫩牙肉，其動力刷毛更可深入清潔難刷嘅後排牙齒。
售價︰$14.9（b）