又係TomFord。雖然這位時裝金童子經已離開Gucci一段日子，但仍如明星一樣活在閃光燈下，一舉一動依然受注目。上月新書《TomFord:TenYears》係威係勢出版了，一連串的宣傳活動唔少得，時裝明星搞簽名會的場地當然唔係書店，而是時裝名店Barneys等等，而且還NY、LA兩邊飛（BarneysNY及洛杉磯等），雜誌《GQ》還在LA幫他搞了一個私人派對，連巨星湯漢斯都畀面出席，真夠面子。
Tom較早前接受訪問時，對Gucci新任設計師AlessandraFacchinetti讚口不絕，認為其首個系列十分出色，一點都無酸溜溜的意味，相當得體。至於有傳言他將重返時裝界，TomFord則斬釘截鐵話無咁快，而且就算回歸，都唔會好似以往咁兼任幾個品牌，一年做足十幾個系列咁辛苦，賣足關子摸唔透佢想點。
事實上，佢要返回時裝界的確無可能咁快，因為他經已全面準備進軍荷李活。唔係做演員，而是執導演筒。刻下他正籌備三套新戲，兩套是全新創作，另外一套則是重拍一套30年代的荷李活電影，其中一套還兼任編劇，計劃多多但全部十畫都未有一撇，難怪他對重返時裝圈並不熱衷。
記者：吳小明
