有「𠝹女王」之稱的陳冠希（Edison），早前被傳同時跟應采兒和2R的Rosanne交往。應采兒前日涉嫌藏毒被捕，其緋聞情敵Rosanne和胞妹Race前晚接受電台訪問時，齊齊發功諷刺應采兒。
應采兒前日涉嫌藏毒被捕後以一千元保釋候查。早前與陳冠希約會的2R成員Rosanne前晚到港台宣傳新片《死亡寫真》時，指身為偶像不應吸毒，其胞妹Race亦即時幫口，並以前車路士球員梅度（AdrianMutu）早前吸食可卡因被罰停賽七個月為例，指吸毒會斷送前途。二人一唱一和，極盡揶揄應采兒之能事。
問對應采兒涉嫌藏毒一事有何看法時，Rosanne先是大發嬌嗔說：「關我乜嘢事？」記者稱她跟應采兒是「緋聞情敵」，Rosanne則說：「唉，多謝晒。我唔知呢件事，同佢未見過亦未合作過，不過我睇過佢演出嘅《柔道龍虎榜》。」
Rosanne對此事有何感覺？她說：「叫小朋友唔好吸毒，做人偶像唔好咁。」Race亦插口說：「做人唔好吸毒，唔俾人發現唔代表唔知。好似車路士嘅梅度，咁就斷送咗自己嘅前途。」
那2R可曾受過甚麼引誘？Race說：「吓，引誘？零食就有。」Rosanne又說：「我哋都叫大膽，但呢啲就唔敢試，要試就試唔同角色囉。其實朋友都知我哋唔玩呢啲嘢，冇人會offer（提供）畀我哋。」2R強調平時不會去蒲，所以不清楚城中有哪些人會去哪些派對。Race說：「我哋查實乜都食，淨係唔吸毒同唔吸煙。」
此外，2R昨日在中環參加《香港步步創高峰——決戰國金》錄影，Rosanne是「資本策略隊」的隊員。據知一名女隊友分配項目時，要Rosanne跑三十二層樓梯，昨日凌晨開工的Rosanne擔心力有不逮，禮貌地婉拒，希望改為參加其他項目，但女隊友即推了Rosanne背部四、五下並說：「跑三十二層樓梯都唔得，點做歌星？返新加坡啦。」當時薛凱琪和陳百祥都在場，不過Rosanne仍默默啞忍。
Rosanne最後參加了跑跑步機的項目，可是她跑畢後體力不支，感到暈眩，需要用氧氣筒幫助呼吸。那名女隊友不但沒有關心，還對Rosanne說：「點呀，使唔使食海南雞飯？」在附近的鄭伊健看不過眼說：「佢已經做得好好，唔好再講啦。」那名女隊友才肯收聲離開。
採訪、攝影：楊潔雯、朱倬誼、陳慧安
