DIGIMAN嘅阿嫂最近添丁發財（恭喜晒！），問我平價DV邊部好，相信都係唔少人心裏嘅問題；DV係唔係愈貴愈好？其實不過係簡單邏輯問題！入門機三、四千一部，半專業機下下八、九千，主要係加強靜態攝影功能、加像素！
現時普遍民用式DV，CCD都只係得4荂A而且錄影制式基本相同，大家都係得500線，所以論DV影像質素，「半專業機」冇可能強過「入門機」一倍；而且相對價錢差額，又夠你買部500萬級DC有餘；唔係有乜特別要求，都係平平哋買部入門機算！
SHARPVLZ-950E（$3,980）係呢期最紅嘅影小朋友專機，扭擰LCD當然人有我有啦！最特別係連機身都可以扭動；雙扭動設計嘅好處，係扭LCD、就眼位攞景；扭機身、就手位按鈕操控，事關影小朋友時常要用低角度，呢個係最方便嘅設計！其他功能還包括有4?133萬像素靜態拍攝、2.5荈W靚仔CGSilicon顯示屏、10×倍光學/700×倍數碼變焦等。
此外，拍小朋友重有一個秘技，就係鏡頭一定要夠Wide，事關小朋友成日會自自然然走埋鏡頭，Wide啲！冇咁易話影唔到；現時一般民用DV都只有35mm，建議出機時最好買多支Wide鏡，幾百蚊買個方便，真係唔少得。
文：DIGIMAN
華仁會
電話：23980280
地址：旺角花園街75-77號花園商業大廈5/6樓
《吹吹IT風》以討論及分析熱門IT話題為主，由電腦、數碼相機、手機、AV產品到TVGames，都屬討論範圍，歡迎讀者提出改善建議、討論話題、疑難雜症，谷氣投訴甚至自薦發表文章都得，總之大家多多交流。