無綫新聞部早排大地震，唔少資深員工被請食無情雞。噚日八方喺一個公開場合上見到無綫總經理鄭善強，同佢講番呢件事。鄭生話畀八方聽，呢次裁員唔係事先計劃好嘅，發生咁嘅事，只係因為無記無搞二十四小時新聞嘅經驗，預算人手上計唔啱數！
鄭生重話，無記今次裁員嘅目的唔係話想瘦身，唔係話賺錢少咗就要cut人，賺多啲就可以留番啲人，一切要睇實際上有冇需要咁話喎！
八方又問鄭生，日後重會唔會裁員呢？鄭生話，暫時關於呢方面嘅嘢，佢就無乜嘢可以講到。既然鄭生唔肯派定心丸，無記嘅同業睇嚟暫時重係有得震無得瞓嘞。
傳真︰2623-9278
電郵︰