開心小蘋果：<br>整餅我最叻蜈蚣曲奇嚟喇！

開心小蘋果：
整餅我最叻蜈蚣曲奇嚟喇！

曲奇是甚麼樣子的？你一定會話係圓嘅，上面凹凹凸凸，有粒粒提子、杏仁，撒上糖粉，又或者望落似燶咗的朱古力。但一班小蘋果就會話畀大家聽，曲奇係蜈蚣、係花花、係哈哈笑！整曲奇唔係加隻蛋落麵粉咁無變化，麵粉可以用嚟畫畫㖭！由Chef領導的小廚師，向着曲奇師傅之路進發啦！
記者：小辣椒
攝影：劉錦

成為小廚師，必須通過多重考驗，小蘋果憑着無比的信心踏入ArtinProgress的廚房，跟Chef學習整曲奇的秘法。原來鬼佬廚師叫Chef（中國廚師就叫師傅），邊學廚邊學英文會話，小蘋果又邁向國際、踏前一大步。

■小朋友唔夠力搓又大又靚嘅麵糰，於是負責分底盤紙。

小山丘升起紅太陽
叮噹叮噹，上課鈴聲響起，小廚師聚在Chef旁邊，等待分麵糰。麵粉堆起一個小山丘，頂部開一個洞，「卜」一聲雞蛋跌落丘頂，好似富士山頂升起的太陽。Chef話畀小廚師聽，搓又大又靚的麵糰要好大力，返到屋企可以搵爹哋、媽咪幫手。等咗一陣，麵糰終於成形，小廚師個個眼睛發光，已經發緊食曲奇嘅白日夢。

■Chef好大力係咁搓，顥淇、蔓琦和彥霖覺得太肉酸，皺晒眉頭。

■顥淇八八卦卦，唔通Chef的鼻哥污糟咗？

■Chef用手指在麵粉上畫畫，小蘋果個個都興奮期待露一手。

■蜈蚣曲奇你見過未？咁大隻眼的蜈蚣確係萬中無一。

小蘋果全部愛偷食
鬼馬的Chef一路分麵糰、一路同小廚師玩，當小廚師以為輪到自己攞麵糰，Chef又突然派畀另一位，搞到其他小廚師笑得好開心。最可惡係Chef知道小廚師個個為食，成日用果醬、忌廉測試小廚師會唔會偷食，結果無人通過呢個測試呢！

■顥淇由頭到尾都係最有心機嘅一個，一路搓麵糰一路笑！

齊齊偷食
■曲奇係咪加咗果醬會好好味，睇吓Chef食得幾滋味！

哎呀！好酸喎
■唔鍾意食酸味嘅彥霖喺呢一刻重未知道中招，哈哈！

整色整水
■小蘋果個個都好似彥霖咁受唔住誘惑，手快快用手指沾果醬。

等埋我啦
■時間係唔等人嘅！邊個動作慢就會好似彥霖咁，趕唔切放入爐。

蜈蚣曲奇被打敗
第一盤曲奇已經放入焗爐，當大家以為Chef喺枱面撒上麵粉，是準備派麵糰時，Chef突然伸出一隻手指畫出一個長長的「S」字。好快，就有八對小手加入一齊畫麵粉畫。
突然，麵粉畫上出現一條大蜈蚣，小廚師努力搓出最幼細的麵糰，誓要湊夠百條蜈蚣腳。這時Chef帶頭搞破壞，蜈蚣就咁即時被打敗！焗爐爺爺都鬆一口氣，因為它無咁大個胃吞落呢隻大蜈蚣嘛。就喺蜈蚣命喪小手嘅時候，第一盤曲奇的香味傳嚟，大家都流晒口水，準備吞下自己的作品。



整餅報告

齊齊搞破壞
■破壞係細路仔的天性，蜈蚣好快就一命嗚呼。

我哋分餅仔
■顥淇和彥霖好細心數曲奇數目，確保人人有份食。

曲奇多個圈
■鍾意甜味嘅彥霖不停加糖粉，曲奇旁出現一個糖圈。



周末甜品班
學費：每堂$300（4堂特價$1,000）
內容：製作一款甜品，送一杯飲品及一款廚師手製甜品
11月13日預告：HotChocolateCake
查詢：21551313（ArtinProgress）

浩堅：Cookie灑咗好多糖粉，一定好好味。

俊賢：砌蜈蚣最好玩，拆散又開心。

嘉瑤：曲奇好香，會留番一塊返屋企食。