跟前妻沈殿霞的恩恩怨怨，秋官講了不下數十次，倒想聽聽當年他跟森森的拍拖傳聞。盛傳當年森森母親因嫌棄秋官沒出息而棒打鴛鴦，阻止森森與秋官交往。
「當年我同森森係因為一齊做《歡樂今宵》而開始發展，拍咗拖三年，佢媽媽睇唔睇得起我就唔知啦，我只知道佢媽媽擔心個女俾人呃。以前我俾人話係情場老手，因為我有個女友，未結婚就同我生咗個女，後來我哋分咗手，佢（森森）媽媽擔心我係玩世不恭嘅男人，佢（森森）冷靜諗清楚，話唔鍾意我口花花，大家唔適合一齊喎！」
早年的女朋友、肥姐以及現任太太官晶華，先後為秋官生了四個女兒，秋官可希望再添一子？
「我家族嘅兄弟已經有男丁繼後香燈，其實咁多年嚟，我都冇乜時間陪兩個女（指他與官晶華所生），又邊得閒生多個仔吖！」
近十年來，每有秋官主演的劇集推出，股市例必下跌，如近日他主演的《楚漢驕雄》播出當日，恒生指數又下跌了一百九十七點，難怪秋官笑言自己可以做股市明燈，每有他劇集推出的話便趁低吸納；秋官跟股市，似乎有分割不開的關係。不過，秋官表示這個話題已講得太多而不願再談。是的，新鮮感也是留住觀眾的一個重要因素。
採訪：戴彩煥
攝影：仇志德
場地：PoisonIvy