合泰汽車（福士香港代理）啱啱搞完個Touareg桂林團，十多位Touareg車主驅車北上遊山玩水兼玩OffRoad，全程五日四夜玩得不知幾開心，車主們做晒好朋友，重話嚟緊會搞個Touareg車會繼續出嚟玩樂一番。
唔知佢哋係咪玩OffRoad玩上癮，筆者收到風合泰已經着手籌備緊喺農曆新年「添食」，搞多一個雲南之旅，今次旅程會長達十日以上，路程更長，再次挑戰Touareg性能及車主們嘅耐力。綜合各車主今次嘅意見，嚟緊雲南之旅將會有更多時間玩OffRoad，保證可以過足越野癮。據知有不少車主喺桂林玩完OffRoad之後，諗都唔諗就已經報咗名，睇嚟農曆年呢次Function，一定會更加熱鬧。由於申請有關文件需時，相信未來一、兩個月就會開始報名，有興趣嘅Touareg車主，可以打電話去查詢一下。
查詢電話：28828938（合泰汽車）
記者、攝影：馬慶武