鄧萃雯前晚在柴灣拍攝護膚品廣告，有指她以低價搶黎姿的廣告生意，趕盡殺絕，雯女說：「搵佢嘅都唔會搵我啦，大家戲路都唔同，我都推咗好多廣告，有啲廣告我一定唔做，就會開天價趕客。」
雯女表示不會接拍豐胸廣告，亦不會到夜店出席活動，她說：「我要保護女權，女性嘅自我價值唔在於胸部嘅大細，賺錢都要顧社會責任，我要以身作則，咁又點會趕盡殺絕呢？」對於有指無綫今年不會頒「我最喜愛的女主角獎」給她，反而讓她冧莊獲實力獎，雯女說：「攞唔攞獎我都唔介意，遊戲嚟啫，唔使咁緊張。」
此外，《金枝慾孽》限量版DVD昨日甫推出，即出現炒賣情況，其中銅鑼灣炒至一千六百元，無綫方面指這是個別商業決策，難以控制和干預。
採訪、攝影：魯萍