銀行利息愈嚟愈低，市民紛紛尋求資金出路，證監會因應時勢，下周一起，喺有線新聞一台（晚上十點二十八分）、同埋十八台（上午九點二十五分）推出十集《認識心投好──股票以外的財富管理系列》電視節目，以深入淺出嘅方式，同市民講解債券、一籃子投資、房地產基金、基金保證、對沖基金等產品。
噚日率先向傳媒播放第一集「有借有還」，片中藉一位小學生向同學仔借錢買檸檬茶飲，並給予閃卡作為回報，以講解何為債券；又將同學嘅成績表，比喻作債券嘅信貸評級，十分淺白，連小朋友都明。有關節目將製成光碟，十二月免費派畀市民，屆時亦可以喺證監會網上投資者資源中心（
證監會新節目第一集用檸檬茶做例子講解投資，咁啱噚日花名「LemonTea」（檸檬茶）嘅李明治因發表虛假聲明而被判入獄一年，呢個檸檬茶亦都係一個關於證券投資嘅好例子。
（圖）證監會營運總裁歐陽長恩（右）同有線趙應春出席新投資者教育節目嘅記招。
傳真︰2623-9278
電郵︰