公務員應唔應該減薪又成城中話題，烽煙四起之際，公務員事務局嘅問責局長王永平回應食環署撈亂骨頭事件時，大義滅親咁話公務員「樹大有枯枝」。呢句咁精警嘅說話，唔知王局長昔日嘅同僚，即廣大公務員聽咗有乜感覺呢？
點解話「昔日同僚」呢？要講吓歷史。話說董先生設計問責制時，三司十一局中公務員事務局原本諗住由公務員做番，以作為公務員代表。但係咁又唔可以標會收錢噃，後來變埋問責局長，唔再係公務員啦。所以，好多公務員對呢個安排既羨慕又鄙視，公務員團體同局長之間嘅關係，有人用一個字向八方形容──「藐」，嘴藐藐個藐。公務員應否減薪好難講，公務員同問責局長關係差好肯定，一隊優秀嘅隊伍點解敗落得咁快──好清楚啦。
傳真︰2623-9278
電郵︰