陳奕迅（Eason）女兒昨日剛滿月，他前往尖沙嘴出席正式簽約新藝寶記者會。對於新四大天王沒有他份，忙於湊女的Eason表示不知情，又自言很合理，對年尾頒獎禮，更打定輸數棄權。
陳奕迅昨日在尖沙嘴舉行簽約環球旗下的新藝寶唱片公司記者會，環球唱片東南亞地區總裁許智偉送上一個水晶馬頭給他，寓意他泊到好碼頭。
唱片公司安排了一班小朋友出場獻花，他們熱情地撲向Eason，並叫他爸爸，主持鄭丹瑞說：「出一張碟等於生咗個細路，呢啲係你入咗新藝寶，生咗好多細路。」
同門的張學友、許志安、陳慧琳、李克勤及譚詠麟等都錄了片段祝賀Eason，安仔在片段中說：「我本來想親身嚟賀你，但我驚咗你，要避你避到去上海做騷，好多人問我多隻老虎咁點？我覺得好，多幾隻老虎幫個大山頭打江山。」克勤則說：「恭喜你成為環球旗下另一棵搖錢樹，啲人話一山幾虎，唔好再講呢個話題，安仔同我係偶像派，你係實力派，都唔同。」
事後Eason接受訪問時，被問到有傳他以一千萬簽給新藝寶三年，Eason表示不能透露，但價錢很滿意，他表示會到北京拍劇，之後才開始錄唱片，問他年底頒獎禮是否棄權？他說：「我今年都冇歌，機會微啦，放吓假輕鬆咗。」問Eason會否出席頒獎禮？他說：「我要保留呢個可能性。」提到李克勤、許志安、古巨基及梁漢文被譚詠麟喻為「新四大天王」，沒Eason份，他說：「好嘢嚟嘅，合理啩，我下年加把勁囉，今年又冇出碟。」
Eason表示明年入行十周年，希望能舉行演唱會，而他昨日剛好榮升老竇一個月，女兒Constance主要由徐濠縈照顧，他表示工作時都很掛念女兒，不時致電回家，問他何時結婚？他說：「計劃中，等老婆收身先啦，一生人一次，佢都要靚啲嘛，聖誕應該趕唔切。」
採訪：王連連 攝影：林德雄
