政協副主席霍英東公子霍震寰噚日正式接任中總會長，喺會展舉行就職禮兼晚宴，特首同多位問責高官以及中聯辦主任高祀仁、外交部特派員楊文昌等都畀面到場。表演節目不外乎由中總會董等大唱「我的祖國」、「大中國」等愛國歌曲。八方自認市儈，攞到場刊，即刻睇吓大抽獎嘅獎品名單，頭獎係新會長送出嘅三十吋液晶體電視機，前會長曾憲梓就贊助咗一萬大元現金獎以及每枱一份佢公司出品嘅領呔。
商家佬送禮就話大方，一講到加稅就唔同講法，有份出席嘅何鴻燊同八方傾加利得稅，好坦白咁話，加唔加稅，就梗拎頭，最好減㖭。至於政黨提議減薪俸稅，賭王避而不答，淨係話唐英年成日四萬咁口，實有辦法嘅。
（圖）中總新會長霍震寰（左）真識做，戴住曾憲梓出品嘅紅色煲呔歡迎特首。
傳真︰2623-9278
電郵︰