今時今日市場競爭愈嚟愈激烈，品牌若要做到深入民心，真係談何容易，世界品牌審定權威「超級品牌」噚日就搞咗個「香港超級品牌榮譽獎2004?2005」頒獎典禮，嘉許百幾個香港嘅超級品牌，八方看過得獎名單，入圍嘅品牌都熟口熟面，包括謝瑞麟、中原地產、永安旅遊、Esprit等等，最後由麥當勞同電訊盈科分別勇奪國際及本地超級品牌大獎，雖然都算實至名歸，但係真係冇乜驚喜。
八方好細心咁睇晒成份得獎名單，發現最有趣嘅係，上年因籌辦維港巨星匯而搞到滿城風雨嘅投資推廣署，原來都係得獎嘅超級品牌之一，唔知正接受政府紀律聆訊嘅「米老鼠」有乜感受呢？
傳真︰2623-9278
電郵︰