滙豐私人銀行喺君悅酒店開party，為香港進食失調康復會籌得超過五百萬元善款。身為半個主人家嘅滙豐私人銀行亞洲行政總裁、靚女王以智，一襲斜膊露肩黑色晚裝，性感得來雍容華貴，謀殺不少菲林。
記得今年四月滙豐私人銀行舉辦的GiorgioArmani時裝展，Monica（王之洋名）亦係穿上露肩黑白構圖晚裝，與Armani齊齊上舞台謝幕，令人對賓架嘅衣着品味改觀唔少。
個慈善ball有唔少政經界猛人及城中名媛出席，包括田北俊伉儷、小超人李澤鉅伉儷、大新金融主席王守業伉儷、廖本懷伉儷、蘇海文伉儷，合和主席胡應湘夫人等等；公務員事務局局長王永平與太座都有出席，為善最樂，減唔減人工就第日至講。
傳真︰2623-9278
電郵︰
