精明消費：
外形破格玩嘢BB煲水滾就響
日日飲水身體好！水係生命之源，每日飲8杯清水絕對對身體有益。雖然蒸餾水同礦泉水機愈出愈多，但用傳統水煲煲水始終最受用家歡迎。今時今日，BB煲大行其道，每個都大玩User-Friendly同獨特設計，務求襯番每個用家嘅獨有Style。
記者︰陳漢威
攝影︰黃子偉、林栢鈞
Model︰Samantha
BB煲安全好用
BB水煲，一水滾就會發出聲響，確實方便又安全。但傳統的BB煲，倒水時要將煲嘴揭開，鬼咁麻煩。所以新款的BB煲就加入好多方便設計，用家只要隨手一剔，就可以輕鬆倒出熱水，加埋不同形狀設計，打破以往傳統水煲嘅呆板形象。
無蓋至騎：煲嘴入水夠盞鬼
這個水煲的設計夠晒特別，鋁質外殼，石炭酸塑膠手握，但它並沒有煲蓋，用家注水時需要由煲嘴入水，麻煩抑或特別？睇你點睇喇！
售價：$59（d）
煲嘴蓋自動揭開
當用家傾斜煲身倒水之時，煲嘴的蓋會自動打開，平放之時，煲嘴的蓋又會自動關上，既可保持溫度又夠衞生。不銹鋼製成，傾斜的煲蓋設計，夠晒特別。
售價：$259（b）
名師設計有品味
這個ALESSI水煲，煲身下闊上窄，藍色手握，配襯紅色的小鳥煲嘴塞，一看就知係品味之選。小鳥煲嘴塞可隨意安裝或拆下，煲水時安上會發出聲響，亦可作保溫之用。
售價：$1,115（b）
火紅搪瓷煲身
搪瓷的好處是可以大玩顏色，感覺較有歐洲風味。這個LECREUSET水煲設計簡單，紅色搪瓷加上單臂手把，適合喜歡簡約的用家。
售價：$498（b）
陽極處理
容量只有1.2公升，可謂的的骰骰，但勝在用上陽極處理，除堅固耐用之餘，亦方便用家清潔煲身，就算「省」煲都唔會刮花煲身。
售價：$219（b）
7公升容量
這個Buffalo水煲，外形稱不上特別，但勝在鋼水靚而且容量夠大。擁有7公升容量，煲出嚟嘅水足夠飲一個禮拜。
售價：$179（c）
蜜胺樹脂飾面
不銹鋼製造，配上蜜胺樹脂飾面，令煲身更耐用而且不易刮花。煲身夠輕，一百有找嘅價錢，相當抵用。
售價：$89（d）
傳統水煲靚樣搶客
BB水煲大行其道，相對來說，傳統水煲就買少見少。雖然傳統水煲唔識響，但唔代表佢無Fans支持，現時各廠家都積極推出多款破格設計，誓要爭取用家的歡心。
雙重響聲
ALESSI出品一向以Design見稱，這個BB煲亦不例外。波浪形手把夠獨特，更有兩個哨子，水滾時會發出兩種聲響，加上銅底設計，保溫效果相當好。
售價：$2,120（b）
單指開關
無論煲身甚至手把都用上曲線設計，彎彎曲曲甚有Style。這個銀星出品的不銹鋼BB煲，用家只需用食指就可以控制煲嘴蓋的開關，相當方便。
售價：$108（b）
圓筒設計
要玩簡約，就一定要提呢個圓筒形嘅不銹鋼水煲。外表笨笨唔玩花巧，但煲膽上面有個半圓形嘅隔水板，防止用家俾倒出嚟嘅滾水燙傷。
售價：$220（a）
特大煲嘴
Fissler水煲，單臂設計，不銹鋼煲身，外表跟茶壺非常相似，但用上了特大的煲嘴設計，外形頓時變得有型格，至啱年輕夫婦選用。
售價：$712（e）
電水煲無線設計夠方便
天氣開始轉涼，有時突然間想飲杯熱咖啡、熱奶茶，又或者要沖奶畀BB飲，最理想當然係用電水煲，貪佢夠快夠方便。新款電水煲多數用上無線設計及自動熄掣功能，絕對係無拘無束又方便。
懷舊水煲
看到這個水煲，第一時間就諗起以前舊式茶樓用嚟沖茶的大水煲。2.5公升，古銅色外形，就算用嚟做擺設都一樣咁型。
售價：$219（b）
送埋煲嘴塞：橡木手把
煲身設計與天鵝非常相似，手把用上橡木製造，更送上透明花形煲嘴塞，方便用家保溫。
售價：$1,600（b）
三重安全設計
飛利浦電水煲，1.7公升容量，備有水滾自動熄掣、防煲乾水及過熱保護裝置。
售價：$398（e）
水滾自動熄掣
威馬電水煲，1.2公升容量，水乾自動保護，無線設計，水滾更會自動熄掣。
售價：$198（e）
鋁質外殼
西門子無線電水煲，鋁質外殼，連360度旋轉底盤。1.5公升容量，備水滾自動熄掣功能。
售價：$1,090（e）
透明外殼
英國MorphyRichards電水煲，360度旋轉底盤，1.7公升容量。透明外殼，夠晒靚仔。
售價：$498（c）
售賣點
a）無印良品 26926406 沙田新城市廣場3期3樓
b）崇光百貨 28338338 銅鑼灣軒尼詩道555號
c）吉之島 28846888 鰂魚涌康山道2號康怡廣場南
d）宜家傢俬 31250888 沙田新城市中央廣場L3
e）西田百貨 26941111 沙田新城市廣場3期2樓
易拆式過濾網
MorphyRichards不銹鋼電水煲，360度旋轉底盤，1.7公升容量，備易拆式過濾網。
售價：$748（c）
話咁快煲滾：90秒煲滾
1.2公升的特福電水煲，煲滾一杯200ml嘅水只需90秒。加上自動熄掣功能，啱晒貪快嘅用家。
售價：$398（b）