在昨日舉行的叱咤頒獎禮記者會上，大會安排歌手互相提問，許志安在台上問道：「𠵱家市道差，做歌手要搵錢先，定係做好音樂先？」大部份歌手認為要先做好音樂，但台下的容祖兒及楊千嬅卻未有舉手附和，還細聲講大聲笑。
事後千嬅說：「只要做好音樂，有質素就自然賣得，呢兩嘢係黐埋，先做到音樂維新。」而容祖兒則說：「做音樂同賺錢係同步，只要用心做好歌，錢唔係最重要。」此外，EO2成員Otto提議樂壇搞一個工會，千嬅亦表示贊成，她說：「歌手永遠都係俾人問點解，我哋永遠冇得講，希望畀啲空間我哋發表聲音。」其後她又說：「我講嘅唔係嗰啲詭異空間，係想政府畀多啲空間，因為我哋冇強積金。」
