名模陳嘉容和李嘉慧等昨日往金鐘，示範日本珍珠名牌首飾系列。對於樂基兒和LisaS.均有紋身，陳嘉容表示不會仿效，因不願受皮肉之苦，寧願浸Spa和做Facial，亦怕紋身影響模特兒工作。
名模陳嘉容、周汶錡及李嘉慧等昨日往金鐘香格里拉酒店，示範日本珍珠名牌Mikimoto的系列，同場並展出Mikimoto的珍珠后冠及博物館的展品。
早前承認隆胸的模特兒樂基兒，最近再成為雜誌封面人物，指她身上有多處紋身，其中一個紋身更在乳頭位置，問陳嘉容會否效法模特兒紋身這股風氣？她說：「我就唔敢啦，要受皮肉之苦咁痛，我鍾意享受多啲，得閒不如去浸Spa、做Facial好過，而且有紋身唔多唔少都會影響模特兒工作，好似LisaS.腳上有紋身，好多客都會要求佢搽厚粉遮咗佢。」
對於有報道指早前在澳洲註冊、年底出嫁的歐陽妙芝懷孕一事，陳嘉容及李嘉慧均表示不知情，李嘉慧說：「我上個禮拜先同佢食過飯，唔覺佢肥咗同大食咗噃，如果真係有咗，妙芝咪有排唔得閒？」
提到示範的珍珠飾物，李嘉慧說：「戴珍珠感覺好優雅，好有女人味，我以前選港姐時其中一份獎品係一條兩排珍珠鏈，我都好珍而重之收藏起嚟。」
採訪：JessicaNgan
攝影：ChenWaiOn
