港人榮登威水大學榜，雖然排三十九，但都好值得驕傲，日後要搵人捐錢，又多個賣點。講開捐錢，今日喺沙宣道大學醫學院芬培花園有個儀式，就係將醫學院嘅「教學及行政樓」命名為「蒙民偉樓」嘅儀式，到時蒙民偉父子，張敏儀大姐，徐立之校長同林兆鑫院長都會出席。
點解叫做「蒙民偉樓」，當然係蒙博士（港大九四年頒授榮譽法學博士畀蒙民偉）捐得錢多。呢座大樓，逾十三萬方呎，有尖端嘅教學及科研設施，包括演講廳、研討室、臨床技巧研習中心等等，相信都要好多錢起。賺咁多錢，捐多啲，多幾幢樓留名後世，好好啫，富貴於我如浮雲嘛。
傳真︰2623-9278
電郵︰