數碼通早前講咗話會喺耶穌誕之前，推出3G服務，假如CSL同SUNDAY唔突然間出招，佢哋就會係第一個同和記3仔「硬撼」嘅網絡商；高啲層次咁講，就係長實李家同新地郭家硬拼。雖然未有3G手機睇，但數碼通執行董事陳啟龍，噚日率先帶班記者朋友，睇吓門市新面貌，陳董話，會用超過千萬元，裝修三十四間門市。
佢又話，唔係特登配合3G，而係想畀客人感受更豐富、更快捷嘅多媒體服務，好似買衫買鞋咁喎；個客可以親手摸吓同試吓啲手機，唔使好似以前咁「齋」睇dummy機。另外，佢地照顧埋啲員工，搵咗出名設計師LuLuCheung設計全新制服。八方覺得，套制服唔算好特別，但老闆算唔錯，當然加埋人工更好啦。
（圖）陳啟龍（中）介紹門市新面貌，身旁兩位員工着住嘅就係LuLuCheung設計嘅新制服。
傳真︰2623-9278
電郵︰