林峯日前趁不用開工，到旺角逛玩具店兼品嘗街頭小食，更買了一隻一百二十元的蒜茸龍蝦回家做晚餐，他又買了一支四千多元的玩具長槍送給胞弟，閒時可與他在家中互射考眼界。
林峯日前趁着不用開工，便到旺角逛玩具店及大歎街頭小食，他表示最喜歡旺角的街頭小食，甫落車即急不及待買了一串五元的魚肉燒賣邊行邊吃，之後又外賣一百二十元的蒜茸龍蝦回家做晚餐。
其間店員大讚林峯靚仔，亦有不少剛放學的女學生要求與他合照及簽名，林峯說：「行旺角好有新鮮感㗎，以前啲小食種類都冇咁多，我已經叫阿媽今晚唔好煮飯。」
林峯之後到相熟的玩具店，選購了一支價值四千多元的玩具槍，他透露喜歡在家與十三歲的胞弟玩槍考眼界，他說：「我有時間就會同細佬喺屋企條走廊度玩，呢啲槍兩焦耳或以上就犯法，呢支出廠嘅時候係一點九幾焦耳，支槍唔使改都好勁，準確性又幾好，我自己有一支，呢支係買畀細佬嘅。」
林峯自爆試過有次帶胞弟行旺角時，被人誤以為是兩父子，他說：「嗰次可能冇剃鬚，有人問嗰個係咪我個仔，不過今年佢都高咗好多，應該唔會再俾人問係咪我個仔。」
林峯近年備受無綫力捧，在台慶劇《天涯俠醫》中飾演醫生，並主唱主題曲，同劇有份演出的梁詠琪早前被指赴東非擔任港姐嘉賓及客串《天》劇是為換獎，但卻未獲安排唱主題曲，問林峯可會擔心又惹是非？他說：「喺非洲拍咗三個禮拜外景，同劇演員都相處得好愉快，一啲是非都冇。」
採訪、攝影：卓美娟
