日韓興啲乜：<br>銀黏土技術進駐香港齊做泥之鍊銀術師日韓興啲乜：
銀黏土技術進駐香港齊做泥之鍊銀術師
日本漫畫《鋼之鍊金術師》風靡港日兩地，乜原來重有套兄弟作Fans懵然不知？大家稍安毋躁，講緊嘅係橫掃東洋的製銀新技術銀黏土，有法力令全日本男女老幼雙手沾土搓個不亦樂乎，皆因它既環保又易做。2日前銀黏土始祖三菱株式會社進駐香港，朋友，你有無興趣做番個「泥之鍊銀術師」？
記者：張銘恩
攝影：陳盛臣
模特兒：Crystal（StarAsia）
三菱銀黏土鼻祖
銀黏土由日本三菱株式會社旗下技術人員於96年研製而成，其註冊名稱為PMC（PreciousMetalClay），其實坊間近年已開始有其他品牌的銀黏土出現，不過論品質及有關配套當然是三菱最優勝，2日前三菱株式會社旗下代表經理西尾彰先生，就專程由日本來港為香港代理公司進行開幕儀式，西裝一度的他胸前大大個心形彈弓吊墜非常前衞，影相時重即時Show腕上同是銀黏土製成的手表，表現好風騷。
■西尾彰先生
鍊銀過程簡單易做
用銀黏土製作飾物好環保，原理是利用一些銀廢料（如菲林沖晒後剩下的銀粉）再混合其他物料，使之成為帶黏性的泥狀，銀黏土一經火燒，內含雜質便會蒸發變成純銀，而體積亦會比原身縮小12%。由於製作過程比傳統鑄銀過程簡單安全得多，可以一條龍於家中自製心頭好，所以銀黏土瞬即於熱愛DIY的日本流行起來，不少歐美國家也開始興起。
■日本現時把銀黏土玩得出神入化，有不少專門研究和介紹銀黏土的書籍，香港Sogo及日本雜誌專賣店有售。
樹葉吊墜步驟示範
■銀黏土原本樣貌平平無奇，與紙黏土無異，除固體外，亦備有糊狀以方便製作不同飾物。
■若想造出黑銀色效果，可將製成品放入黑銀液中浸一浸，然後用抹布在表面擦拭便可。
1﹒選底模
先揀一塊自己喜歡的真樹葉做底模，樹葉形狀愈簡單愈好，出來的效果易掌握。
2﹒塗PMC
把糊狀PMC（15g，$210）用毛筆塗於葉背，不用塗太多，塗至0.5mm厚便足夠。
3﹒風乾火燒
塗畢後用風筒吹數分鐘，半乾後放入火爐（溫度維持攝氏600至800度）燒約15分鐘。
4﹒鑽孔
15分鐘後取出，用尖錐在葉底位置慢慢鑽一小孔，孔不用鑽太大，夠穿入頸鏈便可。
5﹒刷走雜質
最後加工，用鋼絲刷把表面白色雜質刷走，閃令令的純銀樹葉吊墜大功告成，Yeah。
6﹒加閃石
在燃燒過程中已把樹葉燒掉，剩下的只有純銀，想錦上添花還可加閃石或造出窿窿效果。
㗎仔㗎妹各有各DIY
㗎妹崇尚名牌，玩得DIY，唔爭在參照首飾大牌子自製心頭好，大家想慳慳哋做吓上等人，不妨買本教人用金黏土做名牌款式首飾的專書照跟！㗎仔則愛重金屬Look飾物，骷髏頭、十字架、粗手鏈等等，銀黏土一樣做到，只要你有技術就掂！
■《SilverAccessory》，教你DIY名牌首飾款式，約$118。
■Tiffany通心吊墜款。
■Cartier交叉款戒指。
DIY全套裝備
■不妨自己動腦設計，襯埋一Set手鏈同戒指。
■骷髏頭款式較為複雜，要有番咁上下功力先做到。
■「SilverPotStarterKit」，一套有齊所需基本用具如銀黏土、戒指尺、鋼絲刷、拋光筆、3M打磨綿、黑銀液等，最重要是還有以啫喱為燃料的燒爐，要添置時隨時在十蚊店都可補購，$550。
■5g紙狀銀黏土$109，7g銀黏土泥包$89。
PMCCONNECTION（PMC香港代理）
地址：銅鑼灣軒尼詩道488號軒尼詩大廈4樓A室（近前華潤百貨）
電話：25115080
網址：www.pmcguild.hk
■能造出通花效果的黏土連針筒注射器，$126。
■除純銀外，還有22K金黏土選擇，與銀黏土一同使用效果唔錯（價錢隨金價浮動）。